Ашық есік күні
Болашақ чемпионды жеңіл атлетика спорт секциясына тіркеңіз Жеңіл атлетикадан Олимпиадалық резервтің мамандандырылған балалар-жасөспірімдер спорт мектебіне (ШҚО ЖА ОРМБЖСМ) «Жеңіл атлетика орталығы» ғимаратында (Сәтпаев көшесі, 82/2) күн сайын сағат 9:00-ден 13:00-ге дейін және 14:30-дан 18:30-ға дейін жазылуға болады (сенбі және жексенбіден бөлек). Оқу-жаттығу сабақтары тегін өткізіледі. Ата-аналар (заңды өкілдер) баласын ШҚО ЖА ОРМБЖСМ-ге тіркеу кезінде нені білуі маңызды: Таңдалған спорт түрі туралы негізгі мәліметтерді, жаттықтырушы-оқытушы туралы ақпаратты, оқу-жаттығу сабақтарының жоспары мен кестесін, қабылдау жасын және топтың құрамын білу; Оқушыларды оқуға қабылдау, ауыстыру, оқудан шығару және мектепті бітіру тәртібі туралы ережелермен танысу; Белгіленген үлгі бойынша өтініш жазу және келесі құжаттарды тапсыру: баланың туу туралы куәлігінің (паспортының) көшірмесі; таңдалған спорт түрімен айналысуға қарсы көрсетілімдері жоқтығын растайтын медициналық анықтама; 3×4 көлеміндегі фотосурет (1 дана). 2016-2017 оқу жылына құжаттарды қабылдау мерзімі: 2016 жылдың 15 қыркүйегіне дейін. Оқу-жаттығу процесінің нысандары: Топтық оқу-жаттығу және теориялық сабақтар; Жеке оқу-жаттығу сабақтары; Медициналық-қалпына келтіру шаралары; Тестілеу және медициналық бақылау; Жарыстар мен бақылау сынақтары; Оқу-жаттығу жиындары; Нұсқаушылық және төрешілік практика. Сондай-ақ, 2016 жылдың 9-10 қыркүйегінде «Ашық есік күні» өтетінін хабарлаймыз.