БҰҰ Балалар қоры – UNICEF және Special Olympics халықаралық ұйымы жүзеге асырып жатқан «Зияткерлік дамуында ауытқуы бар балалар үшін инклюзивті қоғамды ілгерілету» атты пилоттық жобасын жалғастыру аясында 2015 жылдың 13–14 наурыз күндері Өскемен қаласында спорттық-сауықтыру шаралары өтті.
Шараларға Өскемен, Зырян, Семей, Риддер, Қарағанды, Ақтау, Алматы, Балқаш, Серебрянск, Аягөз қалаларынан келген шамамен 100 бала қатысты.
Іс-шара аясында зияткерлік дамуында ауытқуы бар балалар арасында жеңіл атлетика жарыстары және «Unified Sports» бағдарламасы бойынша эстафета ұйымдастырылды. Эстафетаға ақыл-ой дамуында ауытқуы бар және ондай бұзылысы жоқ балалар бірлесіп қатысты.
Жарыстар Ольга Рыпакова атындағы жеңіл атлетикалық манежде өтті. Іс-шара салтанатты ашылу рәсімінен басталды. Оған дене шынықтыру және спорт басқармасының басшысы Чикенов Е., жұмыспен қамту және әлеуметтік бағдарламалар басқармасының басшысы Садыкова Айжан, Салауатты өмір салты орталығының директоры Ермолаева Татьяна, UNICEF жобасының ШҚО-дағы үйлестірушісі Сайлаубаева Ардақ және Олимпиада чемпионы Ольга Рыпакова қатысты. Салтанатты ашылуға облыстық телеарнаны қоса алғанда 9 БАҚ өкілі қатысты. Қатысушыларға құттықтау сөзін мемлекеттік орган өкілдері мен Ольга Рыпакова арнады. Ол балаларға табыс пен жеңіс тіледі.
Содан кейін Қазақстан Республикасының Әнұраны орындалып, Арнайы Олимпиаданың туы көтерілді. Балалар спортшы антын қабылдады. Іс-шараның жағымды тосынсыйы №38 мектеп-гимназияның чирлидинг тобының өнер көрсетуі болды. Қыздар арнайы келіп, қатысушыларға өздерінің жарқын нөмірлерін арнады.
Салтанатты бөлімнен кейін жеңіл атлетика жарыстары басталды. Сонымен қатар «Салауатты спортшы» бағдарламасы аясында «Салауатты көз» және «Салауатты өмір салты» бағыттары бойынша тексеру жүргізілді. «Салауатты көз» бағдарламасы бойынша серіктес – ШҚО Ана мен бала орталығы, офтальмолог дәрігер З. Адильбекова және қажетті жабдықтарды ұсынды. Көру қабілетінде ауытқулар анықталған спортшыларға ем бойынша ұсыныстар беріліп, көзілдірік жақтаулары ұсынылды.
«Салауатты өмір салты» бағыты бойынша серіктес – ШҚО СӨС орталығы, арнайы мамандар мен ақпараттық материалдарды ұсынды. Қаралған әр спортшыға орталық мамандары денсаулық жайлы парақшалар мен жеміс таратты. Медициналық колледждің ерікті студенттері тексерулерге белсене қатысты.
Түскі үзіліс кезінде қатысушыларға ыстық тамақ ұсынылды. Ыстық тамақты ұйымдастырушы серіктес – «Пицца Блюз» ЖШС 100 адамға демеушілік көмек көрсетті.
Түстен кейін «Unified Sports» бағдарламасы бойынша эстафета жалғасты. Жарыс жеңімпаздарды марапаттау рәсімімен аяқталды. Барлық атлеттер өз жетістіктері үшін марапатталды. Ұйымдастырушылар жобаның спорттық шараларын өткізуге алаң ұсынған жеңіл атлетика манежінің директоры Денис Рыпаковқа ризашылық білдірді.
Зияткерлік дамуында ауытқуы бар балаларға арналған спорт мерекесін ұйымдастыру мен өткізуге көмектескені үшін жеңіл атлетика манежінің бүкіл ұжымына, директор Денис Сергеевич Рыпаковқа, СӨС орталығының директоры Татьяна Юрьевна Ермолаеваға, «Ана мен бала орталығының» директоры Рахимова Рая Жангалиевнаға, №38 мектеп-гимназиясының директоры Кичигина Зинаида Николаевнаға, ШҚО денсаулық сақтау басқармасының басшысы Овсянников Вадим Алексеевичке, «Пицца Блюз» ЖШС директоры Афонин Александр Валентиновичке, Медициналық колледж директоры Ахмадиев Адлет Амангельдиновичке және үшінші жыл қатарынан мүгедектігі бар балаларға көмектесіп жүрген еріктілерге үлкен алғыс білдіріледі.
2015 жылдың 18 наурызында Ольга Рыпакова атындағы жеңіл атлетика манежінде «Жас спортшы» бағдарламасы бойынша іс-шара өтті. Оған 34 бала қатысты. Бағдарламаның жүзеге асуына ШҚО Менеджмент және технологиялар колледжінің 14-111ср тобының студент-еріктілері үлкен көмек көрсетті.
Іс-шара Қазақстан Республикасының ұлттық мерекесі қарсаңында өтті, сондықтан бағдарламаға ұлттық нақыштағы спорттық-дамыту ойындары енгізілді. Бір ойын – үйлестіру мен жылдамдықты дамытуға бағытталған. Балалар жұптасып, ат пен шабандоз бейнесінде ойнады.
Келесі кезеңде балалар доппен секіру жарысына қатысты. Қимыл-қозғалысты, ептілік пен дәлдікті дамыту үшін «боулинг» ойыны ұсынылды. Студент-еріктілердің ұлттық биін орындауы кештің ерекше сәніне айналды. Балалар студенттермен бірге би билеп, қуанды.
Манеж әкімшілігі балаларды қуантты – олар манеж төбесіне ұшақ ұшырды. Балалар таңдана тамашалаған бұл көрініс нағыз «жоғары пилотаж» болды. Спорттық шара эстафетамен жалғасты.
Мерекенің соңында балалар, еріктілер және әлеуметтік қызметкерлер арқан тарту арқылы күш сынасып жарысты. Әрине, достық жеңіске жетті!
Балалар үшін ең қуанышты әрі толқулы сәт – сыйлықтарды алу болды. Әр балаға жеке сыйлық табысталды. Балалардың көзіндегі қуаныш, күлкі мен шаттық осы спорт мерекесінің басты мақсаты болды!
Координатор проекта Special Olympics в ВКО Ольга Свириденко
