Балалар жеңіл атлетикасы 2016
21 қазанда «Ольга Рыпакова» жеңіл атлетика орталығында IAAF Kids Athletics жарыстары өтті. IAAF Kids Athletics — спорт әлеміндегі жеңіл атлетиканы дамыту саласындағы ең ірі бағдарламалардың бірі. Бағдарлама 2005 жылы құрылған. Бағдарламаның мақсаты: Балаларды жеңіл атлетикамен бастапқы деңгейде таныстыру; Спортпен жаңадан шұғылдана бастаған балаларды тарту және қолдау; Жеңіл атлетиканы мектептердегі танымал спорт түріне айналдыру. IAAF Kids Athletics тек федерацияларға ғана емес, сонымен қатар мектептер мен балалардың салауаттылығына мүдделі барлық мекемелерге бағытталған. Жарыс құрылымы: Бағдарлама үш жас санатында (7-8, 9-10 және 11-12 жас) үш бағыттан тұрады: жүгіру, секіру және лақтыру. Сонымен қатар, IAAF Kids Athletics аясында жарыстар өткізетін мұғалімдер мен жаттықтырушыларға арналған арнайы оқыту бағдарламасын әзірледі.