Шығыс Қазақстан облысының әкімі Нұрымбет Сақтағанов Фаина Мейірманованы Токиода өткен XXV жазғы Сурдлимпиада ойындарындағы айтулы жеңісімен салтанатты түрде құттықтады. Спортшының ерен еңбегі мен тарихи жетістігін ескере отырып, аймақ басшысы чемпионға жаңа пәтердің кілтін табыс етті.
Фаина Мейірманова биіктікке секіру сайысында 1,79 метр нәтижені көрсетіп, әлемдік спорт тарихында өз есімін қалдырды. Ол алтын медаль иеленіп қана қоймай, Сурдлимпиада ойындарының жаңа рекордын орнатты. Бұл жеңіс Шығыс Қазақстан облысындағы спорт деңгейінің жоғары екенін дәлелдеп, Қазақстан Республикасы ұлттық құрамасының қоржынына салмақты үлес қосты.
Бұл жетістіктің артында спортшының көпжылдық қажырлы еңбегі, табандылығы мен жаттықтырушылар құрамының кәсібилігі тұр. Фаинаның жеңісі сурдлимпиадалық қозғалысты дәріптеуде және инклюзивті қоғамды нығайтуда стратегиялық маңызға ие. Пәтер кілтін табыстау — Фаинаның кәсіби шеберлігі мен облыс абыройын халықаралық деңгейде асқақтатқаны үшін берілген лайықты марапат болды.
Дереккөзі: @shqo_sport_basqarmasy
